E trishtë/ Futbollisti i njohur nën rrënojat e tërmetit që goditi Turqinë

Ish-futbollisti i Premierligës, Christian Atsu, është në mesin e personave të bllokuar nën rrënoja si pasojë e tërmetit shkatërrimtar që goditit Turqinë.

Një operacion kërkimi dhe shpëtimi është duke u zhvilluar për shpëtimin e futbollistit.

Atsu, i cili më parë ka luajtur për Chelsea-n dhe Newcastle United, iu bashkua klubit të Superligës Hataysport verën e kaluar.

Disa anëtarë të tjerë të ekipit të tij mundën të shpëtoheshin, ndërkohë që kërkimet për ganezin po vijojnë ende.

Drejtori sportiv i klubit, Taner Savut, është gjithashtu i bllokuar ndërsa përpjekjet për shpëtimin e tyre vazhdojnë.

Atsu iu bashkua Chelseat në vitin 2013 nga Porto përpara se të dërgohej në një sërë periudhash huazimi. Ai kaloi kohë tek Everton dhe Bournemouth përpara se të kalonte te Newcastle United në vitin 2017.

Ai u largua Anglia pasi kishte luajtur mbi 100 ndeshje deri në vitin 2021 për t’u bashkuar me skuadrën saudite Al-Raed.

Gjatë verës së kaluar ai u largua nga Lindja e Mesme dhe zhvendos në Turqi.

Ai shënoi golin e tij të parë për klubin këtë fundjavë, vetëm disa orë para se të godiste tërmeti.

Kujtojmë se më shumë se 1,300 njerëz kanë humbur jetën si pasojë e tërmetit shkatërrimtar, me 6,000 të tjerë të plagosur, sipas zyrtarëve . Një pasgoditje masive me magnitudë 7.5 goditi jugun e Turqisë disa orë pas tërmetit fillestar.

Çako zbulon ndihmën për Turqinë: Do nisim 38 specialistë kërkim-shpëtimi e mjekë

Kryefaqja

Shiko në:

Lajme të Sugjeruara

Aktualitet | Vendi

Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve

20 lekë të vjetra për kilogram. Ky është çmimi me të cilin fermerët e zonës së Muriqanit po shesin kastravecin, ndonëse në tregjet e vendit...

21:50 | 24/06/2026

Aktualitet | Vendi

Ali Ahmeti për protestën në Tiranë: Shqipëria po merr goditje të forta në turizëm dhe ekonomi

Kryetari i Bashkimit Demokratik për Integrim, Ali Ahmeti, ka reaguar lidhur me protestën që po zhvillohet prej 25 ditësh në Tiranë, duke shprehur shqetësimin e...

21:39 | 24/06/2026

Aktualitet | Lajm kryesor | Lajmi i fundit | Vendi

E rëndë në Kavajë, u godit me thikë nga vëllai, humb jetën një person

Një ngjarje e rëndë ka ndodhur mbrëmjen e kësaj të mërkure në Kavajë, ku një 74-vjeçar ka humbur jetën pasi dyshohet se është goditur me...

21:37 | 24/06/2026