Edhe në Kiev bëhet plazh, ukrainasit përpiqen të kapin ritmin

Kievi ka rënë në qetësi dhe për momentin nuk është duke përjetuar sulmet të cilat janë përqendruar në rajonet lindore të Ukrainës. Në këto ditë të nxehta shumë qytetarë kanë vendosur edhe të pushojnë për të harruar paksa luftën.

“Ne zakonisht në verë shkonim në Krime, sepse jemi nga Krimeja. E sot edhe ajo rrugë që kishim edhe pse e vështirë na u mohua. Nuk mund të shkojmë atje për pushime. Unë qaj çdo ditë, nuk kam përjetuar kurrë kaq shumë stres”, thotë Sapyga, refugjate nga Krimeja.

“Këtë vit kishim planifikuar të shkonim në Detin e Zi, planifikuam të shkonim jashtë Turqi ose Egjipt për të parë diçka interesante, në mënyrë që djali im të shihte piramidat egjiptiane, të shihte të tjera kultura. Këto ishin planet e nuk mendonim se do të shkonte kështu”, shprehet Ivan Sukhanov, inxhinier nga Kievi.

Gjatë muajve të nxehtë të verës plazhet e Kievit mbushen me pushues.

Por në fundjavën e parë të korrikut, pavarësisht temperaturave të larta  askush nuk nxiton të gjejë një vend për të marrë rreze dielli . Edhe pse trupat ruse janë tërhequr  kryeqyteti është e duke jetuar me ritme të ngadalta, por jeta nuk është ndalur.

LEXONI GJITHASHTU:

• Masakra në Odesa, shkëmbim akuzash Kiev-Moskë
• Rusia braktis Ishullin e Gjarprit, Kievi: U zmbrapsën nga rezistenca