“Edhe oksigjeni sot nuk është i shëndetshëm”-nutricionistja flet për ndotjen

Alarmi i radhës vjen pikërisht nga OBSH. Një nga ëmbëlsuesit artificialë më të zakonshëm të përdorur kryesisht te pijet me gaz do të shpallet si substancë kancerogjene (e mundshme) në ditët në vazhdim.

Substanca e quajtur aspartame, e përdorur në produktet nga pijet e gazuara kryesisht dietike deri te çamçakëzët, do të renditet në korrik si “ndoshta kancerogjene për shëndetin e njerëzve” për herë të parë nga Agjencia Ndërkombëtare për Kërkimin e Kancerit (IARC), krahu i djathtë i Organizatës Botërore të Shëndetësisë (OBSH)

Hyrida Basha, teksa ka komentuar studimin e OBSH tha se duhet të kemi parasysh se ku është bërë studimi dhe në cilën fazë.

E ftuar në emisionin “Good Morning Albanians” në Euroneës Albania, ajo theksoi se edhe oksigjeni që marrim frymë nuk është gjithmonë i shëndetshëm.

“Studimi kërkon kohë në mënyrë që të shikojë efektet në popullatë. Duhet të kemi parasysh se ku bëhet studimi, në cilën fazë, në cilën popullatë. Po ta nisim nga produktet që janë kancerogjene dhe oksigjeni që ne marrim frymë nuk është gjithmonë i shëndetshëm”- tha ajo.

LEXONI GJITHASHTU: 

• Andrew Tate: S’qëndrova në Rumani se i frikësohesha gangsterëve shqiptarë se ligjit
• Edhe Aloe Vera mund të jetë kancerogjene?!