Deputeti demorkat Edi Paloka është zgjedhur kryetari i ri i Këshillit Kombëtar të Partisë Demokratike. Paloka mori 132 vota, kundrejt 79 të kandidates tjetër Elena Qirici, ish-deputete e PD-së në qarkun e Korçës.
Votimi u zhvillua këtë të premte në ambientet e Partisë Demokratike, teksa në këtë proces morën pjesë 211 anëtarë të Këshillit Kombëtar.
Paloka ka qenë edhe më parë kryetar i këtij organi. Ai u zgjodh në krye të Këshillit pas Kuvendit të mbajtur më 17 korrik të vitit 2021.
Paloka u distancua më 11 dhjetor 2021, ku mori pjesë në Kuvendin e thirrur nga ish-kryeministri Sali Berisha.
Ndër të tjera, në mbledhjen e zhvilluar pak para votimit, anëtarët e Këshillit Kombëtar miratuan në unanimitet rezolutën për zgjedhjen e Presidentit të Republikës.
Në rezulotë thuhet se Komisioni i Rithemelimit do të mandatohet për caktimin e përfaqësuesve për gjetjen e një qëndrimi të përbashkët me partitë e tjera politike.
LEXONI GJITHASHTU
- Rezoluta e Rithemelimit të PD: Votojmë vetëm për President konsensual
- Sot mblidhet Këshilli Kombëtar i PD-së, do zgjidhet kryetari i ri
