Edi Rama zbulon kur do të hapet fushata e PS për zgjedhjet e 11 majit

Kryeministri Edi Rama ka njoftuar se Partia Socialiste do ta çelë fushatën për zgjedhjet e përgjithshme në datë 12 prill, me një miting në sheshin Skënderbej.

Përmes një statusi në faqen e vet në Facebook, kryeministri e lidh datën 12 me 12 yjet e Europës dhe objektivin për Shqipërinë në BE në vitin 2030.

“12 prill nga 12 qarqe rreth 12 yjeve të Europës në 12.00, familja jonë e madhe politike, mblidhet në Sheshin Skënderbej për takimin festiv Shqipëria 2030 në BE”, shkruan Rama.

Ndërkohë, demokratët kanë zgjedhur që hapjen e fushatës ta bëjnë në 11 prill me një miting në sheshin “Nënë Tereza”, në orën 19:00.

LEXONI GJITHASHTU:

• Rama në konferencë me shefen e Politikës së Jashtme të BE: Lufta, një kërcënim real
• A do të pranojë një debat publik me Sali Berishën? Përgjigjet Rama