Superliga Shqiptare ka mbyllur javën e 17-të të saj, ku nuk munguan surprizat. Ajo çka vlen të përmendet është se në krye të klasifikimit qëndron Egnatia. Rrogozhinasit përfituan nga humbja e Partizanit në Ballsh dhe marrin kështu kryesimin me 30 pikë. Në “Adush Muça” të Ballshit, Partizani u mposht nga Bylis të hënën, me vendasit që shënuan me Gjatën dhe Kamara, ndërsa për të kuqtë realizoi Keko.
Pak orë më pas ishte radha e Tiranës, e cila po ashtu nuk shkoi më shumë se një barazim pa gola me Teutën, në një duel që prodhoi disa raste të mira shënimi, të shpërdoruara nga lojtarët e të dyja skuadrave. Një tjetër barazim me rrjeta të paprekura ishte ai mes Laçit dhe Dinamo Cityt, ku vendasit shpërdoruan edhe një 11-metërsh.
Vllaznia mori fitore me përmbysje ndaj Elbasanit në transfertë, ku vendasit gjetën të parët golin me Qaqin, por më pas ishin shkodranët që morën në dorë frerët e lojës. Dodaj dhe pas tij Coba vulosën fitoren 1-2. Sa i përket renditjes, kryeson Egnatia, e ndjekur nga Partizani, Dinamo dhe Vllaznia. Më tej vijnë Elbasani, Teuta, Tirana, Laçi, Bylis dhe në fund Skënderbeu.
LEXONI GJITHASHTU:
- Trajneri italian i Elbasanit jep dorëheqjen e papritur pas fitores 3-1
- Largimi i Bordin, Elbasani zgjedh trajnerin e ri
