Largimi i Bordin, Elbasani zgjedh trajnerin e ri

Vetëm pak orë pas largimit të Bordin, Elbasani nuk ka humbur kohë dhe ka zgjedhur trajnerin e ri. Ai është Ivan Gvozdenovic, ish-trajneri i sapolarguar i Skënderbeut.

Serbi i cili pak ditë më parë u largua nga korçarët ka vendosur të marrë drejtimin e klubit verdheblu të Elbasanit.

Burimet bëjnë me dije që presidenca ka kontaktur menjëherë Gvozdenovic i cili ka qenë i gatshëm të jetë në krye të pankinës.

Italiani Roberto Bordin u largua pas fitores që skuadra e tij arriti ndaj Bylisit në Superligë. Vendimi i tij është bërë i ditur në faqen zyrtare të skuadrës në rrjetet sociale, ku dhe e falenderojnë për punën e kryer deri më tani.

Arsyet e këtij largimi nuk dihen, por duket se forma që skuadra ka paraqitur në javët e fundit nuk i ka bindur drejtuesit, që kanë zgjedhur Gvozdenoviç.

Ky i fundit i dha fund aventurës me Skënderbeun dhe do të nisë menjëherë nga puna. Sa i përkeq Elbasanit, renditet në vendin e 5të në klasifikim me 21 pikë.

LEXONI GJITHASHTU:

• Trajneri italian i Elbasanit jep dorëheqjen e papritur pas fitores 3-1
• 94 gola në fazën e parë të Superligës, “Elbasan Arena” rekord tifozërie