Egro: Qeveria e MB i hodhi “benzinë zjarrit”, u krijua tablo e errët për Shqipërinë

Gazetari Franko Egro është shprehur se Britania e Madhe duhet të ishte një vend shumë më afër Shqipërisë në perceptimin e qytetarëve, sesa Franca.

Komentet Egro i bëri në Euroneës Albania, ku komentoi sondazhin e publikuar nga “Barometri” për vendet mike dhe armike të Shqipërisë.

Ai tha se qeveria britanike i ka hedhur “benzinë zjarrit” me komentet për shqiptarët dhe politikat e emigracionit, por shprehu bindjen se e gjithë kjo “tymnajë” kundër bashkëkombasve tanë do të shuhet shpejt.

“Fakti që qeveria britanike konservatore që po e ndjen veten keq në sondazhet e brendshme, i hedh benzinë zjarrit për të fituar capital politik. Sepse kjo ishte edhe një nga arsyet e Brexit. Me këtë ridimensionim të Shqipërisë në sytë e Britanisë, përsa i përket turizmit, përsa i përket sportit, ajo energji që qarkullon në The Guardian etj. Besoj që kjo tablo e errët që u krijua do të pastrohet shumë shpejt. Sepse unë mendoj se Shqipëria do të jetë shumë më lartë se Franca si mike e shqiptarëve”, u shpreh Egro.

LEXONI GJITHASHTU:

• Vendet mike dhe armike për shqiptarët, Barometri publikon listën
• “Kroacia shembull për ne”, Pango ngre pyetjen: Pse s’e konsiderojmë vend shumë mik?