Ekonomia ruse në tatëpjetë, ekspertët ngrenë alarmin: Situata është e rëndë

Presidenti rus Vladimir Putin thotë se ekonomia e vendit është e qëndrueshme dhe e besueshme, pavarësisht sanksioneve, inflacionit dhe luhatjeve të monedhës vendase.

Por edhe pse treguesit ekonomikë mund të duket mirë, ekspertët flasin për probleme serioze nën sipërfaqe.

Sinkron Alexandra Prokopenko, Qendra për Studimet e Evropës Lindore:

“Ekonomia ruse është në limitet e saj, në limitet absolute të kapaciteteve. Dhe kjo mund të verifikohet nga faktorë si papunësia, që është në nivelet më të ulëta historike. Kjo do të thotë se askush nuk punon në vend. Dhe kur askush nuk punon do të thotë se kapacitetet e prodhimit kanë shkuar përtej limiteve të arsyeshme. Ndaj, ekonomia ruse po përpiqet të tejkalojë presionin me të cilin përballet pasi Vladimir Putin nisi pushtimin e Ukrainës”, tha Alexandra Prokopenko, nga Qendra për Studimet e Evropës Lindore.

Ekspertët janë gjithashtu të shqetësuar për parashikimet e inflacionit, që në mënyrë të paarsyeshme janë optimiste, si dhe për situatën e të ardhurave.

“Mendoj se do të bëhet më keq, sikurse mund të shihet nga balanca mes importeve dhe eksporteve. Së pari, po shohim se të ardhurat nga eksportet po bien ndjeshëm dhe të ardhurat nga shitja e naftës janë burimi kryesor i të ardhurave tona. Ato kanë rënë me 45 për qind dhe trendi duket se do vazhdojë”, deklaroi Ruslan Grinberg, Akademia Ruse e Shkencave:

Së fundmi, qeveria ruse përmirësoi parashikimin për rritjen ekonomike të vitit 2023 në 2.8%. Vitin e ardhshëm, GDP-ja pritet të rritet me 2.3%. Ndërsa kuota e papunësisë, sipas të dhënave zyrtare, ra gjatë verës në 3.1 për qind, një kuotë rekord në historinë e Rusisë moderne.

LEXONI GJITHASHTU: 

• Banka Qendrore e Rusisë rrit sërish normën e interesit
• Zbulohet rajoni që Rusia e kërkon me ngulm/ NATO në super stërvitje, flet analisti