EKSKLUZIVE/ Artan Hoxha rrëfen takimin dy orë e gjysmë në polici për 21 Janarin

Gazetari Artan Hoxha tregoi në emisionin Now në Euronews Albania se është pyetur për 2 orë e 30 minuta në policinë e Tiranës lidhur me atë që ai e cilësoi indicie që të çon te prova për vrasjet në 21 janar.

Hoxha sqaroi se nuk bëhet fjalë për një procedim të ri, pasi çështja e vjetër e 21 janarit nuk është pushuar pasi vrasja e Hekuran Dedës dhe Aleks Nikës janë edhe sot pa autorë.

videoja e 21 janarit që unë kam publikuar nuk ishte provë, por indicie që çoi Prokurorinë tek prova, që ishte predha e Agim Llupos në trupin e Ziver Veizit. Në rastin konkret i urdhrave audio nuk është provë, është indicie për të shkuar te prova. Se e kemi gjetur pas 12 vjetësh, nuk është se kisha në xhep dhe se nxora. Unë e dija që politika do ta shfrytëzonte, por që sot kujtohet edhe qeveria të bëjë kallëzim, unë skam lidhje me këto kallëzim, jam marrë vetëm me familjarët e Aleks Nikës që kanë të drejtë ët dinë kush e vrau djalin e tyre”, tha Hoxha.