EKSKLUZIVE| Pranë banesës së Haxhisë, pamjet e përroit ku gjet motori i vrasësit

Forcat Renea kanë arritur të zbulojnë motorin e ekzekutorit të vrasësit të biznesmenit Nikulaj. Euronews Albania ka siguruar pamje në momentin që policia me dedektor metalik ka zbuluar mjetin i cili ndodhej thellë në një përrua të Kakarriqit.

Gazetari Teodor Gjerga, i cili ishte në vendngjarje zbuloi më shumë detaje se ku u gjet motori me të cilin shtetasi portugez shkoi dhe ekzekutoi biznesmenin në Shëngjin.

“Ndodhemi në zonën e Kakarriqit, ku forcat Renea dhe njësitë e ndërhyrjes së shpejtë kanë rrethuar të gjithë zonën, pasi është gjetur motori i atentatorit të zotit Nikulaj. Është e konfirmuar, është gjetur nga forcat polumbare motori me të cilin dyshohet se shtetasi portugez, ka lëvizur kur ka shkuar për të bërë vrasjen e Ardian Nikulaj në Shëngjin.

Kemi marrë konfirmimin nga ana e tyre, motorri është gjetur në thellësinë e një përroi në zonën e Kakarriqit, në këtë përrua janë bërë kërkime që nga mëngjesi i sotëm ndërsa në këto momente është bërë e mundur nxjerrja e motorit”,-tha gazetari i Euronews Albania Teodor Gjerga.

LEXONI GJITHASHTU:

• Policia blindon Kakarriqin, gjendet motori i ekzekutorit të Nikulaj
• Hasmëria Nikulaj-Lestakaj, pajtuesi i gjaqeve: Ardiani më ka takuar, donte pajtim