Eksperti i ekonomisë: Pagat në Kosovë si në Afrikë, çmimet si në Europë

Eksperti i ekonomisë Musa Limani tha se në Kosovë pagat janë si në Afrikë ndërkohë që çmimet e produkteve të konsumit si në Europë.

Sipas tij ndryshimi i çmimeve ndikon drejtpërdrejt te xhepi i konsumatorëve dhe me nivelin e pagave nuk mund të përballohet jetesa.

“Gjithë kësaj i shtojmë dhe papunësinë e madhe, pra kemi normën më të lartë të papunësisë në rajon dhe në Evropë,” – deklaroi eksperti nga Kosova.

Limani shtoi se shpenzimet e konsumit si në botë ashtu dhe në Kosovë marrin dy të tretat e mjeteve buxhetore.

Ndërkohë në lidhje të drejtpërdrejtë ishte dhe eksperti i ekonomisë nga RMV-ja Nasir Selimi i cili deklaroi se masat që merren për rritjen e çmimeve kanë më shumë efekt elektoral.

Zaev ka dalë publikisht dhe u zotua se situata do të marrë zgjidhje nga qeveria e tij, por duke qenë se po afrojnë zgjedhjet lokale, Selimi e cilësoi deklaratën e tij si premtim elektoral që duhet konsideruar me rezerva.

30% e shportës së konsumit në Maqedoninë e Veriut i takon ushqimeve dhe pijeve jo alkoolike, që siç sqaroi dhe eksperti sjell një gjendje jo të volitshme të konsumatorëve.

LEXONI GJITHASHTU: 

• Zaev ul TVSH e energjisë për të mbrojtur qytetarët në RMV nga rritja e çmimit
• Qeveria premton paketë mbështetëse për mbrojtjen e qytetarëve nga rritja e çmimeve
• Rritja e çmimeve, të moshuarit në Korçë me sytë nga fëmijët për të përballuar jetesën