Eksperti i ekonomisë: Rama po shtron rrugën për rritjen e çmimit të energjisë, asnjë masë zbutëse

Anëtari i Këshillit Kombëtar të PD-së, Mateo Spaho u shpreh për Euronews Albania se kryeministri Rama me deklaratën e tij për  situatën energjetike, paralajmëroi rritje të çmimeve në mënyrë indirekte.

“Problemi i kësaj deklarate, jo vetëm paralajmëron rritje të çmimeve në mënyrë indirekte sepse në fakt ky është një shtrim i rrugës për rritjen e çmimeve. Më e rëndë është që nuk paralajmëron një masë zbutëse. Nuk thotë që qeveria do të jetë në krah të njerëzve në nevojë apo bizneseve prodhuese”, u shpreh z. Spaho.

Eksperti i ekonomisë shtoi se kriza energjetike është afatshkurtër, pasi në periudhën e vjeshtës nisin edhe shirat.

Ai shtoi se se shteti shqiptar i ka të gjitha instrumentet buxhetore, për t’i bërë ballë rritjes së çmimit të energjisë elektrike.

LEXONI GJITHASHTU:

• Rritja e çmimit të karburanteve nga kriza botërore e energjisë, thotë Rama
• Rama vizitë zyrtare në Spanjë, nënshkruhen dy marrëveshje