Eksperti ngre alarmin: Grupet kriminale serbe po rrëmbejnë gratë e serbëve në Veri

Eksperti i sigurisë Bedri Elezi thotë se grupet kriminale në veri të Kosovës kanë rrëmbyer 6 gra serbe.

Në emisionin “Good Morning Albanians” në Euronews Albania, Elezi u shpreh se bashkëshortët e grave serbe të rrëmbyera janë besnikë ndaj institucioneve të Kosovës dhe nuk u janë bindur urdhrave të këtyre grupeve për të kryer vepra të dhunshme.

“Fatkeqësisht ka ndodhur ajo që më së paku duhet të ndodhë tani në Kosovë. Në veriun e Mitrovicës janë rrëmbyer 6 gra, që janë bashkëshorte të qytetarëve serbë, qytetarë besnikë ndaj institucioneve të Republikës së Kosovës dhe të cilët nuk kanë pranuar nga grupet kriminale në veri të Mitrovicës që të zbatojnë urdhrat e tyre për të kryer vepra të ndryshme, të cilat bien në kundërshtim me ligjet në Kosovë”, theksoi ai.