Eksperti: Pas fitores, Vuçiç bëhet gati për botën serbe

Lista e Partisë Përparimtare Serbe “Aleksandar Vuçiç – Serbia nuk guxon të ndalet”, ka fituar 46.6 për qind të votave në zgjedhjet e 17 dhjetorit, që nënkupton 129 ulëse në Parlament, sipas sondazheve të organizatës joqeveritare, Qendra për Zgjedhje të Lira dhe Demokraci.

Eksperti i sigurisë Drizan Shala tha në një intervistë për Euronews Albania se pas kësaj fitoreje Aleksandër Vuçiç do të vërë  në zbatim projektin e tij për ‘Botën serbe’.

“Politika e Beogradit në këtë një vit e gjysme ka shtrirë influencimin e saj në partinë e dytë të Ivica Daçiç, të cilët po përkrahin projektin që ka lidhje me krijimin e të ashtuquajturës ‘bota serbe’. Dhe paraqitja e fitores së zgjedhjeve jep impaktin e asaj që Serbia e ka kthyer diskursin në drejtim të defunksionalizimit të çdo vendi rajonal që kufizohet me Serbinë. Është një alarm kjo fitore e Vuçiç të cilën edhe kreu i opozitës serbe s’e ka pranuar pasi shumë vota janë importuar nga Bosnja dhe Republika Srpska”, tha eksperti.