Ekspertja: Nuk ka turistë në plazhe, por s’do të thotë se nuk kanë qytetet e tjera

Ekspertja e turizmit, Flora Xhemani Baba ka krahasur në emisionin Review situatën e numrit të turistëve në zona të ndryshme të Shqipërisë, duke bërë kështu një ndarje të qartë mes qyteteve bregdetare dhe atyre historike.

Në ndarjen që ajo bëri, specifikoi qytete turistike si Gjirokastra apo Berati, që jo vetëm për shkak të monumenteve historike, por edhe për aktivitetet që organizojnë tërheqin një numër më të madh turistësh.

“Fillimet e javës janë thuajse kudo bosh, përveç hoteleve që punojnë nga paketa të parapaguara. Fakti që nuk ka turistë nëpër plazhe nuk do të thotë që nuk ka turistë në tërësi. Aeroporti ka qenë plot, qytetet turistike i ke plot, Berati, Gjirokastra, Tiranaetj. Sidomos tani që në këto qytete ka edhe shumë aktivitete.” –sqaroi ajo.

Në vijim ekspertja e turizmit u shpreh se edhe mes vetë zonave bregdetare bëhet një ndarje, ku në njërën anë qëndron jugu, kurse në anën tjetër qëndrojnë plazhe si Velipoja ose Shëngjini, të cilat janë më të përballueshme sa i takon çmimeve.

“Plazhet e jugut kanë qenë bosh. Kurse Velipoja, Pogradeci dhe Shëngjini kanë qenë plotë sepse janë plazhe të lira. Në Velipojë ka shumë hapësira publike.Ndërsa Pogradeci vizitohet nga moshat e treta.” –përfundoi Xhemani Baba.

LEXONI GJITHASHTU:

• Gazetarja: Po gabojmë me strategjinë e të reklamuarit si një vend low-cost
• Numri i ulët i turistëve në vend|Operatorja: Patëm mbireklamim nga mediat e huaja