Gazetarja: Po gabojmë me strategjinë e të reklamuarit si një vend low-cost

Gazetarja Albana Nanaj ndau në emisionin Review një nga eksperiencat e saj në një komunikim që kishte pasur me disa operatorë të turizmit nga Italia.

Sipas saj, nga biseda që ka pasur me këta operatorë apo të vendeve fqinje, ka kuptuar se Shqipërisë i është krijuar imazhi i një vendi të lirë.

“Mua më kanë marrë në telefon operatorë italianë dhe më kanë thënë që donin dhoma vetëm në Ksamil dhe kur ju jep çmimet, ata thonë që qenka në të njëjtin vend si Sardenja. Do të thotë që ne po gabojmë me strategjinë e të reklamuarit veten si low-cost.” –tha ajo.

Më tej, gazetarja tha se pozicioni i mirë gjeografik duhet shfrytëzuar në favor të vendit, por pa krijuar perceptimin e të qenurit në të njëjtin nivel me plazhet në Maldive.

“Pozicioni ynë gjeografik është shumë i mirë, ne duhet të shitemi si vend mesdhetar, ashtu siç jemi. Ashtu siç shiten vendet fqinje, kemi Italinë që ka shumë plazhe si Maldivet. Ne nuk e kemi rërën e bardhë si Maldivet. Ne e shesim vendin tonë si loë-cost, kur në fakt nuk jemi kështu.” -përfundoi Nanaj.

LEXONI GJITHASHTU:

• Numri i ulët i turistëve në vend|Operatorja: Patëm mbireklamim nga mediat e huaja
• “Shqiptarët e Kosovës s’na kanë braktisur”- Rama: Përpjekje për të dëmtuar turizmin