“Eksportuesit në emergjencë kombëtare”, Çoçoli: Qeveria duhet t’i ndihmojë

Eksperti i ekonomisë Fatos Çoçoli ishte këtë të diel i ftuar në emisionin “Review” në Euronews Albania për të folur rreth rënies së euros, e cila duket se po afrohet gjithnjë e më shumë me monedhën tonë.

Çoçoli tha se kjo i ka vënë eksportuesit në një emergjencë kombëtare dhe se qeveria duhet t’i ndihmojë ata.

“Ne jemi në një situatë emergjente me një sektor që e kemi shumë të rëndësishëm që duhet ta ruajmë me xhelozi dhe përparësi, sektorin e eksportuesve. Nëse flasim në kuadër të ekonomisë pa hequr hallet e eksportuesve që janë në humbje neto shumë të fortë, banka jonë qendrore do masë dhe do mbajë inflacionin.

Kjo është detyra e bankës në Shqipëri, ka ekuilibër shumë të brishtë që po përpiqet ta mbajë në betejën me inflacionin. Qeveria është ajo që ka edhe gurin edhe arrën, një taksë e jashtëzakonshme për importuesit që nuk eksportojnë mund të ndihmonte. Qeveria ka shumë mundësi të ndihmojë eksportuesit”,-tha eksperti i ekonomisë Fatos Çoçoli.

LEXONI GJITHASHTU:

• U bllokuan në breg të detit, më shumë se 50 balena kanë ngordhur
• “Ahmetaj mund të shpallej martir”, juristi analizon lëvizjet e ish-zv.kryeministrit