Ekzistojnë UFO-t? Enkeled Caca: Dikur i besoja tani jo më, s’ka prova

Austrofizikanti Enekeled Caca tha në emisonin “Review” në Euronews Albania se dikur i besonte shumë se kishte alienë dhe jetë jashtëtokësore, por tashmë ka ndryshuar mendim, pasi sipas tij nuk ka prova që të vërtetojnë ekzistencën e tyre.

Caca tha se edhe zbulimi I trupave të mumifikuara aliene për të nuk përbën provë , pasi mungon gjetja e objekteve e të cilat mund të dëshmojnë ekzistencën e këtyre qenieve inteligjente.

“Më vjen keq po do flas kundër vetes sime para 20 vitesh. Unë I besoja shumë se ka alien, por duke u thelluar në shkencë fillova të kërkojë prova. Shkenca kërkon prova. Këto nuk janë prova. Ne patëm dy qenie të ekspozuara në meksikë dhe ajo që unë shikoj aty është mungesa totale e teknologjisë. Ne po flasim për qenie shumë të zhvilluara teknologjikisht, janë trupa të vegjël. Por se çfarë janë nuk e dimë.

Është e pamundur që një qenie e tillë të jetë absolutisht pa asgjë rreth e qark, nuk ka asgjë është vetëm trupi, s’ka as veshje as objekte. Një astronaut që vjen në një ambient armiqësor ndaj tij siç është atmosfera e tokës, duhet të ketë një veshje, veshjet metalike jetojnë me mijëra vjet. Aty mungon çdo gjë. Unë di nga historia që në atë zonë ka qenë shumë i përhapur mumifikimi i foshnjave. Ka shumë mumie foshnjesh të gjetura në atë zonë”,-tha Enkeled Caca.

LEXONI GJITHASHTU:

• “Po goditet besimi”, Miron Çako: Tani po thuhet që nuk ka një Zot, por qenie aliene
• Provat shkencore tregojnë se vrimat e zeza janë shumë më afër Tokës se sa besohej