English

Ekzistojnë UFO-t? NASA studim mbi fenomenet ajrore të paidentifikuara

KOMENTE

SHPERNDAJE
ARTIKULLIN

Text sizeAa Aa

Agjencia amerikane e hapësirës, NASA ka njoftuar se do të jetë e hapur edhe për temën shumë të përfolur, atë të ‘ekzistencës’ së ufove, shkruan Euronews. 

- Advertisement -

NASA ka njoftuar se do të nisë një studim të pavarur mbi ato që i quan fenomene ajrore të paidentifikuara.

Studimi do të fillojë këtë vjeshtë dhe do të kushtojë jo më shumë se 100.000 dollarë (94,000 euro). Ky studim synon të identifikojë se sa shumë informacione nevojiten për të kuptuar pamjet e pashpjegueshme në qiell.

“Ne kemi mjetet dhe ekipin që mund të na ndihmojë të përmirësojmë të kuptuarit tonë për të panjohurën. Ky është vetë përkufizimi i asaj që është shkenca. Kjo është ajo që ne bëjmë”, u shpreh Thomas Zurbuchen.

Agjencia argumentoi se “fenomenet e paidentifikuara në atmosferë janë me interes si për sigurinë kombëtare ashtu edhe për sigurinë ajrore” dhe përputhet me një qëllim tjetër të saj: të sigurojë sigurinë e avionëve.

“Nuk ka asnjë provë që fenomenet ajrore të paidentifikuara janë me origjinë jashtëtokësore. Besimi ynë i fortë është se sfida më e madhe e këtyre fenomeneve është se është një fushë e varfër me të dhëna”, shtoi ai.

Studimi i hapur:

Studimi, i cili pritet të zgjasë nëntë muaj, do të jetë tërësisht i hapur, pa përdorur të dhëna të klasifikuara ushtarake.

Ekipi i pavarur do të drejtohet nga astrofizikani David Spergel, president i Fondacionit Simons për avancimin e kërkimit shkencor.

“Mund t’ju them se nuk e dimë se çfarë përbën 95 për qind të universit. Pra, ka gjëra që ne nuk i kuptojmë”, tha Spergel

“Ne do të identifikojmë se çfarë të dhënash (nga civilët, qeveria, organizatat jofitimprurëse, kompanitë) ekzistojnë dhe çfarë tjetër duhet të përpiqemi të mbledhim dhe si t’i analizojmë ato më së miri”, shtoi ai më tej.

 

LEXONI GJITHASHTU:

1 COMMENT

  1. O vlla a ban me dit çfar Soji të njerzve kemi,kta bërlloga çfar ndjenjash kan,në ballkan po ka shum shkurorzime,kta po jav rrëmbejn trupin bijave tveta,sa her të bajn seksë dhanurve po jav ulin shum SOJIN ,rinia nuk i meritojn kto provokime,po lan shum jetima !

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?