“El Clasico”, caktohet gjyqtari i supersfidës mes Barcelonës dhe Real Madridit

Të dielën, në stadiumin “Lluis Companys”, do të luhet një nga ndeshjet më të shumëpritura të futbollit botëror – “El Clasico” mes Barcelonës dhe Real Madridit, e vlefshme për javën e 34-të në La Liga.

Në një moment kyç për fatin e kampionatit, ku të dyja skuadrat janë jashtë Ligës së Kampionëve dhe përqendrohen plotësisht te titulli në Spanjë, është caktuar edhe gjyqtari kryesor i takimit.

Federata Spanjolle e Futbollit ka konfirmuar se sfida do të drejtohet nga Alejandro Jose Hernandez.

Hernandez, 42 vjeç, ka një përvojë të konsiderueshme në ndeshjet e nivelit të lartë dhe ka gjykuar më parë tre herë “El Clasico”. Ai ka vendosur drejtësinë në përballjen e vitit 2016, ku Barcelona triumfoi 2:1 në “Santiago Bernabéu”. Po ashtu, në vitin 2018 ndeshja përfundoi 2:2, ndërsa një vit më vonë, në 2019, përballja u mbyll pa gola, 0:0.

Ky do të jetë “El Clasico” i katërt për gjyqtarin spanjoll, i cili gëzon vlerësim të lartë nga institucionet e futbollit spanjoll për profesionalizmin dhe objektivitetin e tij.

Takimi pritet të nisë në orën 16:15 dhe do të jetë vendimtar për ecurinë e sezonit, duke qenë se diferenca në pikë mes dy ekipeve është minimale dhe çdo rezultat mund të peshojë rëndë në garën për titull.

LEXONI GJITHASHTU:

• Inter mposht Barcelonën dhe shkon në finalen e Champions League
• Ancelotti largohet nga Real Madrid pas finales së Kupës së Mbretit