Elbasan | 44-vjeçari me sëmundje mendore, kunatës së tij i hiqet kujdestaria

Ky është Behar Çeka, 44 vjeç, banues në lagjen “Katund i Ri” në Elbasan. Prej 20 vitesh, vuan nga probleme të shëndetit mendor.

Për të kujdeset prej 10 vitesh nusja e vëllait. Kjo e fundit, është paguar prej disa vitesh për kujdestarinë ndaj Beharit, por vitin e fundit,Shërbimi Social në Elbasan ja ka ndërprerë pagesën prej 11 mijë lekësh në muaj.

“Kam një kunat dhe i kanë hequr pensionin, shoqëruesin, ai e ka marrë mbi 10 vjet atë, që është i sëmurë vetë ka mbi 20 vjet, por tani kemi mbi 10 vjet qe e marrim shoqeruesin, tani nuk e marr dot”, tha  Aishe Çeka, kunata e Beharit.

Aishja është interesuar tek drejtoria e Shërbimit Social në Elbasan, por nuk ka marrë një përgjigje.

Për këtë arsye, Euronews Albania iu drejtua Shërbimit Social me një kërkesë për të marrë informacion në lidhje me situatën e Aishes.

Në përgjigjën me shkrim të Drejtorisë Rajonale e Shërbimit Social, nuk shpjegohen arsyet se përse është ndërprerë asistenca për kujdestarinë, por vetëm hapat që duhet të ndjekë për përfitimin e kujdestarisë.