Elbasan| Viti i ri shkollor nis me ulje të numrit të nxënësve, 2.8 % më pak se vjet

Edhe në qarkun e Elbasanit, viti i ri shkollor po nisë me ulje të numrit të nxënësve dhe në fshatra të largët malorë edhe me mbyllje të shkollave.

Në ZVA Elbasan këtë vit ulen për herë të pare në bangat e shkollës 1164 nxënës, 148 nxënës më pak se vitin e kaluar. Ndërsa në klasë të 10 janë 1190 gjimnazistë, 106 nxenës më pak.

Ulja total e numrit të nxënësve llogaritet në 2.8 %, ose 500 nxënës më pak krahasuar me vitin shkollor 2023-2024. Numri total i nxënsve në Elbasan është 15.333.

Elbasani numëron 64 shkolla gjithsej, 57 prej të cilave publike e 7 private (1 në fshat e 6 në qytet).

Duket se e njëjta tendenca në rënie vihet re në të gjitha bashkitë e qarkut Elbasan, ku rënia varion nga 2.5-5 %. Rënien me të madhe të numrit të nxënësve në qarkun Elbasan e mban Bashkia e Librazhdit dhe Gramshit, si dy zonat me fshatra të thellë malorë.

Në Elbasan dy shkolla tërësisht të reja do të hapin dyert në Bashkinë e Elbasanit këtë vit shkollor.

LEXONI GJITHASHTU:

• Izraeli bombardon dy shkolla në Gaza, vriten 15 persona
• Sulmi me 4 viktima në shkollën në SHBA, FBI paralajmëroi vitin e kaluar ngjarjen