Eliminoi Apoloninë, Flamurtari bën kërkesë për shtyrjen e ndeshjes me Laçin

Flamurtari është 1 hap larg kthimit në elitën e futbollit shqiptar, ndërsa mposhti në Play-Off Apoloninë e Fierit. Koha e rregullt dhe shtesa prej 30 minutash u mbyll me rrjeta të paprekura, ndërsa në penallti vlonjatët triumfuan 4-3. Deçiziv ishte portieri Teqja i cili priti 2 prek goditjeve të klubit fierak.

Tanimë, stacioni i fundit është Laçi  skuadra që në sezonin që sapo u mbyll u rendit e 8-ta në Superligë. Kjo ndeshje është planifikuar të luhet të dielën në orën 16 në Laç, por Flamurtari ka bërë kërkesa për shtyrjen e saj, kjo pasi lojtarët kanë pasur shumë ngarkesë. Kërkesa e klubit është e drejtë pasi në harkun kohor të një jave kanë luajtur 3 ndeshje, ndaj Besës, Korabit dhe Apolonisë, kjo e fundit 120 minuta.

FSHF do të vendosë më tej nëse do të aprovojë apo jo kërkesën e skuadrës së Flamurtarit e cila pas 4 sezonesh është pranë rikthimit në Superligë, kompeticion të cilit i ka munguar së tepërmi.

LEXONI GJITHASHTU:

• Egnatia triumfon në kupë, fiton titullin e dytë në histori
• Hidhet shorti i “final 4”, Partizani-Skënderbeu e Egantia-Vllaznia