Elisabetta Franchi prezanton koleksionin e ri në Tiranë

Kjo është sfilata e parë e stilistes së famshme Elisabetta Franchi në Shqipëri.

Brandi ndërkombëtar tashmë prej 1 viti ndodhet edhe në vendin tonë për të gjithë adhuruesit e modës, por koleksioni i ri vjeshtë-dimër 2022-2023 ishte i magjishëm, plot sharm dhe elegancë.

Për stilisten Elisabetta Franchi kjo mbrëmje ishte fantastike.

“Tirana është një qytet shumë i bukur, njerëzit janë shumë paqësorë dhe të ngjashëm me ne italianët. Koleksioni i ri është si një grua që e merr jetën në dorë, një grua që i është dashur të heqë dorë nga feminiliteti i saj, pasi pandemia na mbylli të gjithë brenda, por sot është gati të rikthehet”, tha stilistja e njohur.

Eventi u organizua nga moderatorja Marina Vjollca e cila është edhe ambasadore e brandit të Elisabetta Franchi në Shqipëri.

Pjesë e kësaj mbrëmje ishin shumë personazhe të njohur të ekranit shqiptar dhe jo vetëm.

LEXONI GJITHASHTU:

• PUMA ‘flet’ shqip, Dua Lipa sjell koleksionin e saj të ri