Emërimi i komisionerëve, Celibashi: Në përputhje me parashikimet e Kodit

Kryekomisioneri Shtetëror i Zgjedhjeve, Ilirjan Celibashi foli për mediat rreth emërimit të komisionerëve të KZAZ-së të premten.

Sipas tij vendimi është marrë në përputhje me të gjitha parashikimet e Kodit dhe në transparencë të plotë.

“Ajo vendimmarrje është imponuar nga rrethanat, lidhen me procedurat që duhet të kryejnë komisionet zonale e administrimit zgjedhor në ato zona ku ka vetëm një KZAZ. Nuk është rasti i parë që vendimet për emërimet apo shkarkimet e anëtarëve të KZAZ nuk bëhen me mbledhje publike.
Ne bëjmë publikisht mbledhjet kur është emërimi fillestar i anëtarëve të KZAZ,” – u shpreh Celibashi.

Ai shtoi se emërimi u bë dje në mbrëmje sepse sekretarët e KZAZ-së të cilët kanë një funksion kryesor në nivel vendor duhet të merrnin detyrën.

“Ne kemi emëruar anëtarët e KZAZ personat që janë paraqitur nga personi legjitim në KQZ. Indrit Sefa si përfaqësues i PD ka të gjithë legjitimitetin. Sefa është përfaqësues legjitim i PD-së për të paraqitur minimalisht kërkesa dhe propozime për emërim të anëtarëve të KZAZ. Është thuajse krejt e ndryshme nga çdo kërkesë tjetër formalisht dhe më së shumti nga kërkesa për regjistrimin e një partie si subjekt zgjedhor,” – deklaroi kryekomisioneri.

LEXONI GJITHASHTU:

• KQZ miraton listën e anëtarëve të KZAZ-ve të Partisë Demokratike
• KQZ kërkoi dokumentacion të plotë për regjistrim, reagon Gazment Bardhi