Emigrantët shqiptarë, Rama: Jemi në pritje të një ndjese nga qeveria britanike

Kryeministri Edi Rama deklaroi për “Sky News” se Shqipëria është ende në pritje të një ndjese nga qeveria britanike, pas deklaratave të ministres së Brendshme, Suella Braverman për ”pushtimin” e Britanisë së Madhe nga emigrantët shqiptarë.

“Ne nuk kemi nevojë për të, në kuptimin që mund të jetojmë edhe pa të. Në rregull, sepse edhe ndodh që nuk e bën dhe e shmang atë. Atëherë do të thotë që dëshiron diçka nga ajo që ke thënë, kështu që do të thotë që ka një llogaritje pas saj dhe se ti në të vërtetë po flet me një numër të caktuar votuesish që duan ta dëgjojnë këtë dhe ju po i ushqeni me këtë sepse keni nevojë për votat e tyre. Por, pasojat e kësaj mund të jenë shkatërruese për njerëzit, për njerëzit tanë në Britaninë e Madhe dhe për vetë Britaninë”, u shpreh kreu i qeverisë shqiptare.

Kreu i qeverisë shqiptare nënvizoi se duhet të përmirësohet situata në vend, por theksoi se me gjithë punën e bërë “Shqipëria nuk do të bëhet as Londër, as Paris dhe as Berlin”.

“Është e vërtetë. Është e vërtetë që ju mund të dëgjoni njerëzit të thonë kështu dhe është gjithashtu e vërtetë që tani është një periudhë kur ka shumë ndikim të keq, në përgjithësi, në botë, për shkak të luftës, për shkak të krizës, sepse pas pandemisë është krijuar një situatë tjetër, sepse ne e dimë se çfarë duhet të bëjmë. Duhet të bëjmë gjithçka për të përmirësuar situatën këtu dhe për ta bërë më mirë dhe më mirë për të gjithë, por e dimë gjithashtu që çfarëdo që të bëjmë, Shqipëria nuk do të bëhet as Londër, as Paris dhe as Berlin”, tha Rama.

LEXONI GJITHASHTU:

• ‘Mos na akuzoni për dështimet tuaja’, Rama i përgjigjet Britanisë për emigrantët
• Emigrantët shqiptarë në Angli, Begaj: Duhet një konsullatë në Kukës
• Qëndrimet e Berishës për emigrantët në ‘Daily Mail’, Rama: Turp!