Emrat/ Aksident në Shkodër, shoferja humb kontrollin e mjetit dhe përplas këmbësorin

 Një aksident me pasojë vdekjen ka ndodhur këtë të hënë në aksin rrugor Shkodër–Velipojë.

Sipas njoftimit zyrtar të Policisë, ngjarja ka ndodhur rreth orës 10:00 të paradites, kur një automjet i drejtuar nga një grua, e identifikuar si Zana Kola, ka humbur kontrollin dhe ka përplasur një këmbësor.

Viktima është 76-vjeçari Gjovalin Nikolli, i cili, për shkak të plagëve të marra, ka ndërruar jetë në vendngjarje.

Ndaj drejtueses së mjetit po kryhen veprimet procedurale, ndërsa grupi hetimor vijon punën për zbardhjen e plotë të rrethanave të aksidentit.

Njoftimi i Policisë:

“Rreth orës 10:00, në aksin rrugor ‘Shkodër–Velipojë’, shtetasja Z. K., duke drejtuar automjetin, dyshohet se ka humbur kontrollin mbi drejtimin e tij dhe, për pasojë, automjeti ka përplasur shtetasin Gj. N., 76 vjeç, këmbësor. Shtetasi Gj. N. ka humbur jetën në vendngjarje. Me drejtuesen e automjetit po kryhen veprimet procedurale. Grupi hetimor po punon për zbardhjen e rrethanave të aksidentit”, thuhet në njoftimin e policisë.

LEXONI GJITHASHTU:

• Aksident i rëndë në Shkodër, makina përplas për vdekje këmbësorin
• Urdhër arresti nga Barcelona për shtëpi bari në Spanjë, kapet 28-vjeçari në Shkodër