Një mjek dhe një specialist teknik për bërjen e skanerit janë arrestuar në Qendrën Spitalore Universitare Nënë Tereza.

Euronews Albania ka mundur të sigurojë emrat e mjekut dhe specialistit të imazherisë të arrestuar mëngjesin e kësaj të premteje në QSUT.

Bëhet me dije ata janë mjeku Nazmi Metaliu dhe tekniku Astrit Masnaku, të cilët janë prangosur për shkak se merrnin para për të ofruar bërjen e skanerit për pacientët.

Burime bëjnë me dije se mjekët kishin 3 javë që ndaj tyre kishte nisur një hetim për abuzimin me detyrën.

Policia dhe grupi hetimor mundi të faktonte me prova se mjeku dhe specialisti i imazherisë merrnin para nga pacientët ëpr kryerjen e skanerit.

“Nga veprimet hetimore, ka rezultuar se këta shtetas, në bashkëpunim me njëri-tjetrin, gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure”, thuhet në njoftimin e policisë”, sqaroi policia.

LEXO GJITHASHTU:

• Arrestohen dy mjekë në QSUT, merrnin ryshfet për kryerjen e skanerit
• A do të hetojë Kongresi Amerikan Ramën? Republikanët letër FBI-së për McGonigal