Emrat| Kush janë tre efektivët e Kosovës që u rrëmbyen nga policia serbe

Tre efektivë të njësisë speciale të Kosovës janë marrë peng nga brenda territoreve të Kosovës bëhet fjalë për Rifat Zekën, Beqir Sefin dhe Mustafa Shemin.

Sipas njoftimit të policisë së Kosovës tre efektivët ndodheshin për patrullim në vendin e quajtur Tresave/Bare, thellë brenda në territorin e Republikës së Kosovës, në momentin që kanë kërkuar përforcime se kanë parë prani personash të maskuar.

Por kur përforcimet kanë shkuar është gjetur vetëm makina e efektivëve e braktisur.  Ndërsa sipas publikimeve të mediave serbe thuhet se ata janë kapur nga njësitë speciale të policisë serbe. Mediat serbe pretendojnë se ata janë arresatuar brenda territoreve të serbisë, ndërsa policia e Kosovës raporton të kundërtën.

“Në thellësi të territorit të Republikës së Kosovës, në zonën kufitare në veri të vendit dyshohet se janë kidnapuar tre zyrtarë kufitar patrullues

Policia e Kosovës (PK), në këtë rast njësia policore patrulluese e kufirit ka qenë me detyre në pikë statike në vendin e quajtur Tresave/Bare, thellë brenda në territorin e Republikës së Kosovës, për  të parandaluar shfrytëzimin e rrugëve ilegale, të cilat shfrytëzoheshin nga grupet kriminale për kalim ilegal dhe kontrabandë.

Sot, në mesditë nga njësiti policor i cili ishte në përbërje prej tre zyrtarëve kufitar, kanë njoftuar se në afërsi të pikës statike kanë vërejtur person/a të maskuar dhe të armatosur, me këtë rast në drejtim të kësaj pike në asistencë janë nisur njësi shtesë të PK-së.

Me të arritur në atë lokacion, njësitet asistuese kanë vërejtur vetëm veturën zyrtare por jo edhe vet zyrtarët policorë që kanë qenë me detyrë në atë lokacion. Në drejtim të këtij lokacioni menjëherë kanë shkuar edhe njësite tjera policore, si dhe janë informuar edhe institucionet tjera të sigurisë, përfshirë KFOR-in, pasi dyshohet se zyrtarët policor janë kidnapuar nga forcat serbe.

Me qëllim që të ndërmerren veprime konkrete për sigurinë e zyrtarëve policorë që dyshohet të jenë kidnapuar nga forcat serbe, janë kontaktuar të gjitha mekanizmat vendor dhe ndërkombëtar që të njëjtit të lirohen sa më parë dhe të kthehen në Polici të Kosovës.

Po ashtu edhe media të ndryshme serbe kanë raportuar se pjesëtarët e njësiteve speciale serbe, kanë arrestuar zyrtarët e Policisë së Kosovës”, njofton policia e Kosovës.

LEXONI GJITHASHTU:

• Rrëmbimi i policëve të Kosovës, Sveçla: Serbia po tregon fytyrën, shtet agresor
• Policia e Kosovës: Tre efektivë janë rrëmbyer në veri të vendit