Shërbime dentare me preparate të skaduara, arrestohet 2 stomatologë në Tiranë

Policia e Tiranës ka arrestuar administratorin dhe stomatologun e një klinike denatare në Tiranë dhe ka nisur hetimet ndaj 12 të tjerëve pasi u zbulua se kryenin shërbime dentare, duke përdorur preparate të skaduara.

Në kuadër të operacionit të koduar “Siguria Dentare” u ndalua administratori i subjektit që ofronte shërbime dhe punime stomatologjike dhe laboratorike si: terapi, ortodoncë, kirurgji, ura porcelani, proteza, implante dhe riparime të aparaturave dentare, shërbimet e Policisë gjetën dhe sekuestruan me cilësinë e provës materiale, një sërë preparatesh dhe materialesh dentare të skaduara.

Në përfundim të veprimeve procedurale për këtë rast, u arrestuan në flagrancë administratori i subjektit dhe stomatologu i klinikës.

Gjithashtu, u referuan materialet në Prokurori, ku nisi procedimi në gjendje të lirë për punonjësit në këtë klinikë.

Materialet procedurale iu referuan Prokurorisë së Tiranës, për veprime të mëtejshme, për veprat penale “Prodhimi dhe tregtimi i barnave dhe pajisjeve mjekësore të falsifikuara ose të rrezikshme për jetën dhe shëndetin”, “Punësimi i paligjshëm” dhe “Fshehja e të ardhurave”.

LEXONI GJITHASHTU:

• Po shkëmbenin drogën në një parking në Golem, arrestohen në flagrancë 2 persona
• Ukraina arreston një zyrtar të dyshuar për spiunim për Rusinë