Leonard Thodhori, 46 vjeç, banues ne fshatin Çukë,të Sarandës dhe Fatmir Sulovari alias Fatmir Krasniqi, 46 vjeç, banues në Sarandë, raportohet se kanë humbur kontaktet me të afërmit dhe janë zhdukur pa lënë gjurmë.

Burime për Euronews Albania konfirmojnë se policia është vënë në kërkim të tyre pas denoncimeve të bëra nga familjarët.

Deri tani nuk ka një pistë hetimi që mund të lidhet me zhdukjen e tyre, ndërsa edhe vetë familjarët janë vënë në kërkim.

Por kush janë ata?

Leonard Thodhori, i njohur si “Koçole” ka qenë i dënuar disa herë. I dyshuar si pjesëmarrës në Masakrën e Qafë-Gjashtës në vitin 1997, ku u vra oficeri i policisë Gjergj Mehmeti. Në vitin 2003 ka qenë prezent në automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallëzim krimi” lidhur me një ngjarje tjetër të kryer nga Gjini. I arrestuar më pas për “vjedhje” e “mashtrim”. Përdorues i lëndëve narkotike dhe i dyshuar si i përfshirë në trafik lëndësh narkotike.

Fatmir Sulovari alias Fatmir Krasniqi, 46 vjeç, i dënuar më parë për “armëmbajtje pa leje” dhe “plagosje e lehtë me dashje”. I arrestuar në prill 2022 në Lushnje, pasi në mjetin e tij “BMW” X5 u gjet një sasi cannabis sativa e ndarë në doza gati për shitje.

LEXONI GJITHASHTU:

• “Punonte për familjen, stërvitej darkave”- Lot dhe trishtim për vdekjen e atletit
• VIDEO| Aksident në hyrje të Sarandës, makina “fluturon” në ajër motoristin