EMRI | Alibeaj zbulon kandidatin për Bashkinë e Sarandës

Grupimi i Enkelejd Alibeaj ka prezantuar këtë të shtunë kandidatin që do të garojë për Partinë Demokratike në Bashkinë e Sarandës.

Sipas PD-së së Alibeaj, Skënder Muço do të përfaqësojë demokratët në përballjen elektorale të 14 majit në këtë qytet.

“Skënder Muço, me profesion jurist, Mjeshtër Sporti në not dhe një nga figurat më të nderuar të Sarandës do të garojë për bashkinë e skajit jugor të vendit. Muço është i njohur veçse si një sportist i madh, pjesë e një familje kampionësh në not, gjithashtu edhe për kontributin e tij qytetar, gjë që e bën atë një kandidat potencial për bashkinë.

Ai është i martuar dhe baba i tre fëmijëve dhe prej disa vitesh një biznesmen i suksesshëm. Skënder Muço, është qytetar nderi i Sarandës, kontribues që në themelim në Partinë Demokratike,  si dhe ka qenë po si përfaqësues i PD në Këshillin bashkiak”, thuhet në njoftim.

LEXONI GJITHASHTU

• Analisti: Nëse skandali “McGonigal do i ndodhte Berishës, do ishte djegur Tirana
• Gazetari tregon skenarët për vulën e PD: Mund të mos kemi zgjidhje më 3 mars
• Berisha: Nëse nuk do vidhej, shqiptarët të merrnin dyfishin e rrogës