Gazetari tregon skenarët për vulën e PD: Mund të mos kemi zgjidhje më 3 mars

Gazetari i Euronews Albania, Ardit Hoxha thotë se më datë 3 mars mund të mos kemi një zgjidhje në lidhje me vulën dhe logon e Partisë Demokratike.

Hoxha u shpreh se edhe në seancën e radhës, gjykata mund të mos marrë një vendim.

Sipas tij, duhen shqyrtuar disa variante, nëse gjykata do të marrë një vendim.

“Në datën 3 është data e shqyrtimit. Nëse do të ketë vendim apo jo, kjo mund të mbetet për t’u parë pasi mund të kemi edhe thjesht një shtyrje të vendimmarrjes. Për arsye të ndryshme, gjykata mund ta shtyjë vendimmarrjen, arsyet mund të jenë banale, por mund të jenë edhe arsye të qenësishme që mund të mos merret vendimi. Por nëse merret vendimi, gjithmonë do të shqyrtojmë disa variante.

Varianti i parë është që të pranohet kërkesa e zotit Alibeaj dhe në një farë mënyrë të zhbëhet vendimi i gjykatësit Agron Zhukri në Shkallën e Parë, që ka njohur statutin e dalë nga Kuvendi i 11 dhjetorit 2021, i thirrur nga zoti Berisha dhe mbështetësit e tij, çka do i jipte vulën dhe logon zyrtare të PD-së zotit Alibeaj. Varianti tjetër do ishte hedhja poshtë e kërkesës së zotit Alibeaj dhe lënia në fuqi e vendimit Zhukri, ku do i kalonte vula zotit Berisha. Nuk duhet të jemi me aq shumë shpresë dhe pritshmëri që në datën 3 kjo histori do të marrë fund”, theksoi ai.

LEXONI GJITHASHTU

• Berisha: Nëse nuk do vidhej, shqiptarët të merrnin dyfishin e rrogës
• Berisha: Jemi në një revolucion, Rama është i interesuar për dhunë
• Bie mbështetja për ‘revolucionin’, shumë pak parti aleate po përkrahin Berishën