Një tjetër pastruese është vënë në pranga nga policia. Sipas informacioneve paraprake, mësohet se Elida Kodra ka vjedhur 2000 euro, 300 dollarë dhe 35 000 lekë të rinj në banesën ku ajo ishte e punësuar.
Nga provat e siguruara gjatë hetimit ka rezultuar se Kodra, ka qenë e punësuar për mirëmbajtjen e banesës së shtetasit Z. E., në rrugën “Vaso Pasha”.
Vjedhjen në këtë banesë, ajo e ka kryer gjatë javës së fundit.
Gjatë kontrollit të çantës së pastrueses, shërbimet e Policisë gjetën dhe sekuestruan në cilësinë e provës materiale, 840 euro, 600 dollarë dhe 40 900 lekë të rinj.
Ky nuk është rasti i parë që një pastruese vjedh paratë në banesën në të cilën është punësuar. Pak javë më parë, pastruesja Rozeta Dobi vodhi një shumë prej 120 mijë eurosh në banesën e ish-zyrtares, Alda Klosi.
LEXONI GJITHASHTU
- Arrestimi i Alda Klosit, reagon prokuroria: Hetime komplekse, ja për çfarë akuzohet
- ‘Vjedhja ishte një inskenim’, sanitarja: Alda Klosi donte të fajësonte bashkëshortin
- Iu vodhën mijëra euro nga pastruesja, arrestohet Alda Klosi
