EMRI| I akuzuar për vrasje në Shqipëri, ekstradohet nga Gjermania 42-vjeçari

Një 42-vjeçar, i shpallur në kërkim ndërkombëtar për vrasje me paramendim, është ekstraduar nga Gjermania në Shqipëri. Ai u arrestua në Gjermani  gjatë një operacioni të koduar “Versus” në prill 2024, si rezultat i bashkëpunimit të ngushtë mes Policisë së Shtetit Shqiptar dhe homologëve të saj gjermanë.

I ekstraduari Vladimir Kola akuzohet për vrasjen me armë zjarri ndaj shtetasit me iniciale B.S. më 30 tetor 2022, në kompleksin “Kodra e Diellit”, në bashkëpunim me shtetas të tjerë.

Gjykata e Shkallës së Parë e Juridiksionit të Përgjithshëm Tiranë ka caktuar ndaj tij masën e sigurisë “Arrest në burg” për akuzat e “Vrasjes me paramendim” dhe “Prodhimit dhe mbajtjes pa leje të armëve dhe municionit”.

LEXONI GJITHASHTU:

• I kërkuar në Itali për trafik droge, arrestohet 32-vjeçari shqiptar. Do ekstradohet
• Talljet dhe denigrimi rrezik për vetëvrasje, problemet sociale të të rinjve në Korçë