EMRI| I shpallur në kërkim për tentativë vrasjeje, arrestohet 30-vjeçari në Durrës

Policia e Durrësit ka arrestuar shtetasin Klenis Kazazaj 30-vjeç, i cili ishte i shpallur në kërkim për tentativë vrasjeje dhe mbajtje pa leje të armëve.

Në kuadër të operacionit “Distanca”, shërbimet policore lokalizuan 30-vjeçarin në lagjen nr. 13 të Durrësit.

I arrestuari ishte shpallur në kërkim nga Gjykata e Fierit, e cila më 4 gusht 2023 kishte vendosur masën e sigurisë “Arrest në burg” për veprat penale “Vrasja me dashje”, mbetur në tentativë, dhe “Mbajtja pa leje e armëve dhe municionit”.

Ngjarja për të cilën akuzohet Klenis Kazazaj ka ndodhur më 30 korrik 2023 në lagjen “Sheq i Madh” të Fierit, ku pas një konflikti të çastit për motive të dobëta, ai ka tentuar të vrasë me armë zjarri shtetasin me iniciale O. B., 34 vjeç, i cili mbeti i plagosur.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Durrës| Kanosën 44-vjeçarin, në pranga 3 persona! Çfarë iu gjet në mjetin e blinduar
• Dëshmia e Dumanit për vrasjen e Çelës: Arma s’më shkrepi, s’doja ta bëja pis tjetrën