Emri/ Identifikohet autori i dyshuar i vrasjes në Shkodër

Lekë Vuksani dyshohet se është autori i vrasjes së Petrit Vuksanit mesditën e sotme në Shkodër.

Autori i  dyshuar i ngjarjes mësohet se është kushëriri i 51-vjeçarit. Viktima i cili sapo ishte kthyer nga Anglia ishte i vetëm në banesë kur u qëlluar me armë zjarri.

Mësohet se 51-vjeçari është qëlluar më armë zjarri tip automatik, dhe shkak i vrasjes është bërë mosmarrëveshja e qirasë.

Petrit Vuksani jetonte prej vitesh jashtë shtetit dhe banesën ia kishte dhënë me qira Lekë Vuksanit, të afërmit të tij.

51-vjeçari, i ka shkuar në banesë për t’i kërkuar lekët e qirasë, por dyshohet se ata kanë debatuar dhe më pas Lekë Vuksani ka qëlluar në drejtim të kushëririt të tij ku e ka lënë të vdekur në vend.

“Falë reagimit në kohë të Policisë dhe veprimeve të shpejta profesionale hetimore, është bërë i mundur identifikimi i autorit të dyshuar të vrasjes së shtetasit Petrit Vuksani.

Shërbimet e Policisë janë vënë në ndjekje të autorit të dyshuar, shtetasit Lekë Vuksani, i cili dyshohet se ka vrarë me armë zjarri automatik 51-vjeçarit.

Vijon ndjekja dhe krehja e zonës, me qëllim kapjen e autori”- njofton policia.

LEXONI GJITHASHTU: 

• “Sa ishte kthyer nga Anglia”- Del fotoja e viktimës, autorët e qëlluan në banesë
• U qëllua brenda banesës, kush është viktima që u vra në Shkodër (EMRI)