U qëllua brenda banesës, kush është viktima që u vra në Shkodër (EMRI)

Petrit Vuksani është viktima e vrasjes me armë zjarri në lagjen “Tom Kola” në Shkodër.

Burime për Euronews Albania, bëjnë me dije se Vuksani është vrarë brenda banesës së tij nga kushëriri i tij Lekë Vuksani.

Mësohet se 51-vjeçari është qëlluar më armë zjarri tip automatik, dhe shkak i vrasjes është bërë mosmarrëveshja e qirasë.

Petrit Vuksani jetonte prej vitesh jashtë shtetit dhe banesën ia kishte dhënë me qira Lekë Vuksanit, të afërmit të tij.

51-vjeçari, i cili sapo ishte kthyer nga Anglia, i ka shkuar në banesë për t’i kërkuar lekët e qirasë, por dyshohet se ata kanë debatuar dhe më pas Lekë Vuksani ka qëlluar në drejtim të kushëririt të tij ku e ka lënë të vdekur në vend.

Vuksani nuk ishte person me precedentë të mëparshëm penalë

Shërbimet e Policisë dhe grupi hetimor kanë shkuar menjëherë në vendngjarje.

Janë ngritur pika kontrolli dhe po ushtrohet kontroll në zonë për kapjen e autorit të dyshuar.  Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.

LEXONI GJITHASHTU: 

• Vrasje me armë zjarri në Shkodër, humb jetën 48-vjeçari
• Po flinte sipër një kufome, burri përjeton tmerr në hotelin tibetian