EMRI| Kapet në mes të Tiranës me 1.6 kg kanabis në makinë, arrestohet 30-vjeçari

Gentjan Demiri, 30-vjeç, banues në Fushë-Krujë, është arrestuar nga policia e Tiranës pasi në automjetin me të cilin po lëvizte u gjet një pako me lëndë narkotike kanabis, me peshë totale 1 kg e 600 gramë.

Policia shpalli gjithashtu në kërkim bashkëpunëtorin e 30-vjeçarit, i dyshuar si i përfshirë në veprimtarinë kriminale të “Prodhimit dhe shitjes së lëndëve narkotikëve”.

Pas verifikimeve të kryera ka rezultuar se 35-vjeçari ishte me masë sigurie “Arrest në shtëpi”.  Vijon puna për kapjen e tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Shërbimet e Policisë kanë lokalizuar dhe ndaluar, në rrugën “Irfan Tomini”, automjetin me drejtues shtetasin G. D. Gjatë kontrollit të ushtruar në këtë automjet, shërbimet e Policisë kanë gjetur një pako me lëndë të dyshuar narkotike kanabis, me peshë rreth 1 kg e 600 gramë, e cila u sekuestrua në cilësinë e provës materiale. Në vijim të veprimeve u shpall në kërkim shtetasi A. E., 35 vjeç, bashkëpunëtor në këtë veprimtari kriminale”, njofton policia.