Emri| Me makinën plot me tufa me para, arrestohet 30-vjeçari në Durrës

Një 30-vjeçar, i identifikuar si Denis Trebeshina, është arrestuar nga policia e Durrësit, pasi në automjetin që po lëvizte u sekuestrua një shumë e konsiderueshme parash.

Policia bën me dije se përmes inteligjencës së saj u mësua se 30-vjeçari Trebeshina po qarkullone me shuma të mëdha parash në automjet. Ndaj efektivët organizuan ndalimin dhe kontrollin fizik të automjetit ku u sekuestruan 116 685 euro.

Grupi hetimor po vijon punën për të vërtetuar burimin e të ardhurave të këtij shtetasi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit Durrës, për veprime të mëtejshme.

“Në vijim të kontrolleve të kryera në zbatim të planit operacional “Sundimi i ligjit”, me qëllim parandalimin dhe goditjen e paligjshmërive, specialistët e Seksionit për Hetimin e Krimeve Ekonomiko-Financiare të DVP Durrës, bazuar në informacionet e siguruara nga inteligjenca policore se një shtetas posedonte një shumë të madhe parash, kanë organizuar punën dhe kanë ushtruar kontroll në automjetin e tij.

Në lagjen nr. 17, Durrës, gjatë kontrollit në automjetin me drejtues shtetasin D. T., shërbimet e Policisë gjetën 116 685 euro, të cilat u sekuestruan në cilësinë e provës materiale.

Në vijim të veprimeve për këtë rast u arrestua shtetasi D. T., 30 vjeç, banues në lagjen nr. 2, Durrës.

Vijojnë veprimet hetimore për të vërtetuar burimin e të ardhurave të këtij shtetasi”, thueht në njoftimin e policisë.

LEXONI GJITHASHTU: 

• Krahu i djathtë i Vis Martinajt i përfshirë në vrasjen e Gentian Bejtjas?
• EMRAT| Policia zbardh dinamikën e atentatit ndaj Gentjan Bejtjas, 2 të arrestuar