EMRI/ Në kërkim ndërkombëtar për plagosje, ekstradohet nga Greqia 32-vjeçari

32-vjeçari, Ardit Miha është ekstraduar këtë të hënë nga Greqia. Policia bën me dije se Miha ishte në kërkim pasi në vitin 2022 ka plagosur me thikë një person në Durrës pas një konflikti.

Gjykata e Durrësit në vitin 2024 i ka caktuar 32-vjeçarit masën e sigurisë “arrest në burg”, për veprën penale “plagosja e rëndë me dashje”.

“Plagosi disa herë, me mjet prerës (thikë), një shtetas, gjatë një konflikti për motive të dobëta, në lagjen “Plazh”, Durrës, ekstradohet nga Greqia, 32-vjeçari.

Si rezultat i koordinimit të veprimeve operacionale ndërmjet specialistëve të Drejtorisë së Interpolit dhe homologëve të tyre në Athinë, u finalizua në vijim të operacionit ndërkombëtar të koduar “The Wanted”, procedura për ekstradimin nga Greqia në Shqipëri, të shtetasit A. M., 32 vjeç, të lindur në Bulqizë.

32-vjeçari kërkohej ndërkombëtarisht, sepse në vitin 2024, Gjykata e Durrësit i ka caktuar masën e sigurisë “Arrest në burg”, për veprën penale “Plagosja e rëndë me dashje”. Shtetasi A. M. akuzohet se mbrëmjen e datës 06.10.2022, për motive të dobëta, ka plagosur disa herë, me mjet prerës (thikë), shtetasin B. F., në lagjen nr. 13, Durrës”, njofton policia.