EMRI| Plagosje me thikë në Vlorë, transportohet në spital 37-vjeçari

Një plagosje me thikë ka nodhur këtë të hënë në qytetin e Vlorës, në zonën e ish-shinave të trenit. Burime bëjnë me dije se i plagosur ka mbetur 37-vjeçari Rigert Dine, i cili ndodhet jashtë rrezikut për jetën.

I riu ka marrë një plagë në këmbë dhe është transportuar me urgjencë në spital ku po merr kujdesin e nevojshëm mjekësor.

Policia dhe grupi hetimor kanë bërë të mundur kapjen e autorit të plagosjes së 37-vjeçarit, i cili dyshohet se vuan nga probleme të shëndetit mendor.

Vlorë/Informacion paraprak

Rreth orës 13:20, në lagjen “24 Maji”, dyshohet se gjatë një konflikti për motive të dobëta, shtetasi G. K., rreth 40 vjeç, ka goditur me mjet prerës (thikë), në këmbë, kunatin e tij, shtetasin R. D., rreth 30 vjeç.

Policia ka shoqëruar në ambientet e Komisariatit të Policisë Vlorë, autorin e dyshuar të ngjarjes, shtetasin G. K., i cili dyshohet se vuan nga probleme të shëndetit mendor.

Shtetasi R. D. ndodhet në Spitalin Rajonal Vlorë, në kujdesin e mjekëve.

Vijon puna nga grupi hetimor, për sqarimin e plotë të rrethanave të ngjarjes.

LEXO GJITHASHTU:

• Shpërndanin kokainë në lokalet e natës në Himarë, arrestohen dy të rinjtë
• U kapën gjatë mega-operacionit “Rrjeti”, gjykata merr vendimin për 45 të arrestuarit