EMRI/ Shoqërohet shoferi i kazinosë ku punonte 22-vjeçarja keniane

Është shoqëruar në komisariatin nr.1 të policisë në Tiranë shtetasi Rodri Baçi, shofer në kazinonë ku punonte 22-vjeçarja keniane, Joy Aoko, e cila u dhunua barbarisht në Tiranë me 13 gusht 2022.

Baçi ishte personi i fundit i cili takoi 22-vjeçaren keniane, e cila humbi jetën në rrethana të paqarta.

Gjatë shoqërimit shoferi i kazinosë ka mohuar të ketë pasur konflikte me vajzën keniane Joy Aoko.

Me vendim gjykate, policia ka ushtruar edhe kontroll në banesën e 32 vjeçarit në Tiranë.

Sipas informacioneve zyrtare nga policia pritet që 32 vjeçari të merret në pyetje dhe të japë një dëshmi të plotë para grupit hetimor si një ndër personat që ka pasur kontaktet e fundit me viktimën.

Po ashtu burime zyrtare nga policia bëjnë me dije se pritet të rimerren në pyetje edhe persona të tjerë që kanë dijeni për ngjarjen.

Ndër personat që do të ripyeten janë shoqja e dhomës së të ndjerës dhe persona të tjerë që kanë patur kontakte me të.

32-vjeçarja u gjet e rrahur barbarisht poshtë pallatit ku banonte në Tiranë dhe ndërroi jetë si pasojë e plagëve të marra 6 muaj pas ngjarjes së rëndë.

LEXONI GJITHASHTU:

• Gazetarja akuza të forta: Familjarë të ministrave fshihen pas vdekjes së kenianes
• Flori Gjini rrëfen bisedën me të ëmën e kenianes së vrarë në Tiranë