Emri| U shpall në kërkim nga SPAK për korrupsion në zgjedhje, arrestohet një person

Kalosh Peposhi, i cili u shpall në kërkim një ditë më parë nga Policia e Kukësit është arrestuar.

Policia e Kukësit në bashkëpunim të ngushtë me Prokurorinë e Posaçme Kundër Korrupsionit dhe Krimit të Organizuar (SPAK) ushtroi kontrolle në banesat e dy shtetasve, Gazmend Peposhi dhe Kalosh Peposhi, në kuadër të një hetimi për korrupsion zgjedhor.

Sipas autoriteteve, ndaj tyre rëndon akuza për veprën penale “Korrupsioni aktiv në zgjedhje”, kryer në bashkëpunim, e parashikuar nga nenet 328 dhe 25 të Kodit Penal. Gazmend Peposhi vijon të jetë në kërkim.

Njoftimi i policisë:

Në vijim të informacionit të dhënë mbrëmjen e djeshme, ku u shpallën në kërkim dy shtetas për “Korrupsioni aktiv në zgjedhje”, kryer në bashkëpunim, ju informojmë se;

Nga strukturat e Posaçme për Hetimin e Krimeve zgjedhore në DVP Kukës, në bashkëpunim me Drejtorinë e Forcës së Posaçme Operacionale të DPPSH dhe DVP Kukës, nën drejtimin e SPAK, u bë arrestimi në flagrancë i shtetasit K. P., 27 vjeç, banues në fshatin Lusen, i dënuar më parë për kultivim të bimëve narkotike në Mbretërinë e Bashkuar.

Gjatë arrestimit, këtij shtetasi ju gjet një shumë e konsiderueshme parash, të cilat dyshohet se do ti përdorte për veprimtari kriminale të korrupsionit aktiv në zgjedhje.

Vijon puna për kapjen e shtetasit G. P.

Materialet procedurale do ti kalojnë Prokurorisë së Posaçme për Korrupsionin dhe Krimin e Organizuar.

LEXONI GJITHASHTU:

• Sot mbahen zgjedhjet parlamentare në Shqipëri
• PD pretendoi për të shtëna me armë, çfarë dihet nga incidenti në Dibër