Erdogan: Jam dakordësuar me Putinin për zgjatjen e marrëveshjes për drithërat

14 Korrik 2023 | 17:37

Presidenti i Turqisë, Recep Tayyip Erdogan, tha se ka arritur të dakordësohet me presidentin rus, Vlaidmir Putin, që të zgjatet marrëveshja për drithërat.

Kjo marrëveshje, që skadon më 17 korrik, mundëson eksportin e drithërave nga portet në Detin e Zi të Ukrainës.

Duke folur për gazetarët, Erdogan tha më 14 korrik se ka shpresë që marrëveshja të zgjatet.

Kjo marrëveshje është ndërmjetësuar vitin e kaluar nga Turqia dhe Kombet e Bashkuara, disa muaj pasi Rusia nisi pushtimin në shkallë të gjerë të Ukrainës.

Një ditë më herët, Komisioni Evropian tha se po ndihmon OKB-në dhe Turqinë që të zgjasin marrëveshjen dhe janë duke shqyrtuar “të gjitha mundësitë” në këtë drejtim.

Rusia vazhdimisht ka kërcënuar se nuk do ta vazhdojë marrëveshjen. Ajo ka paraqitur një sërë kërkesash, sikurse heqjen e kufizimeve ndaj eksporteve bujqësore ruse dhe lidhjen e Bankës Bujqësore ruse në sistemin e pagesave SWIFT. Më herët gjatë javës, në përpjekje për zgjatjen e marrëveshjes së drithërave, OKB i ofroi qasje Rusisë në sistemin SWIFT.

Marrëveshja për drithërat ka mundësuar lehtësimin e krizës globale ushqimore, që u përkeqësua pas bllokimit të porteve ukrainase për shkak të luftës.

Ukraina dhe Rusia janë ndër eksportueset më të mëdha të drithërave në botë.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Machado njofton kthimin e saj në Venezuelë pas tërmetit: Është detyra ime

Udhëheqësja e opozitës venezueliane dhe fituesja e Çmimit Nobel për Paqen, María Corina Machado, njoftoi sot se së shpejti do të kthehet në Venezuelë për...
13:50 | 29/06/2026

Rifillojnë fluturimet direkte mes Iranit dhe Emirateve të Bashkuara Arabe për herë të parë pas nisjes së luftës

Një aeroplan komercial fluturoi nga Irani në Emiratet e Bashkuara Arabe të hënën, në fluturimin e parë direkt midis dy vendeve që nga shpërthimi i...
13:40 | 29/06/2026

Marrëveshja me SHBA-në, presidenti iranian njofton zhbllokimin e 6 miliardë dollarëve të bllokuar në Katar

Presidenti iranian Masoud Pesekian njoftoi të hënën, se, pas heqjes së sanksioneve mbi naftën dhe petrokimikatet si pjesë e një marrëveshjeje me Shtetet e Bashkuara,...
13:10 | 29/06/2026