Me 8 tituj kampion në 12 vite qëndrim në Torino, Leonardo Bonucci nuk është më pjesë e Juventusit.
36-vjeçari nuk preferohet më nga drejtuesit e rinj të zonjës së vjetër e konkretisht drejtori sportiv Xhuntoli. Pasi i hoqën zyrtarisht shiritin e kapitenit, mbrojtësi Italian pati përplasje të vazhdueshme me drejtuesit, duke bërë që këta të fundit të marrin vendimin për ta larguar.
Në një situatë të tillë është vënë në lëvizje Lazio, e cila kërkon me ngulm shërbimet e 36-vjecarit. Trajneri Mauricio Sarri i ka bërë kërkesë presidentit Klaudio Lotito për të afruar kampionin e Europës, ndërsa në ditët në vijim çështja pritet të marrë zgjidhje. Një lëvizje e tillë do t’i interesonte dhe Bonuccit për faktin se në sezonin e ri do të luajë në ligën e kampionëve.
Juventusi është në një situatë jo normale këtë sezon, ndërsa disa lojtarë kanë kërkuar largimin. Njëri prej tyre është dhe serbi Vlahovic, që kërkohet nga disa skuadra në Evropë. Në anën tjetër, dëshira e Allegrit për ta afruar në klub, Scamacca ka refuzuar të transferohet në Torino. Pak ditë më parë u larguan dhe dyshja Cuadrado Di Maria.
LEXONI GJITHASHTU:
- Falsifikoi pagat e futbollistëve, dënohet ish-presidenti i Juventus Andrea Anjeli
- Di Maria e mbyll me Juventusin, zbulohet aventura e re e argjentinasit
