Di Maria e mbyll me Juventusin, zbulohet aventura e re e argjentinasit

13 vite pasi veshi për herë të fundit fanellën e Benfikës, kampioni i botës Angel Dimaria synon rikthimin. Argjentinasi i ka dhënë fund aventurës në Serinë A me Juventusin vetëm pas 1 viti qëndrim. Prej ditësh qarkullonte lajmi për një largim të mundshëm të tij nga Torino, e këtë të enjte gjithcka është konfirmuar në mënyrë zyrtare dhe nga klubi bardhezi.

“Rrugët e Angel Di Marias dhe Juventusit ndahen pas një sezoni. Me mbërritjen në Continassa në korrik 2022, Angel kishte nënshkruar një kontratë për një sezon pas përvojës së tij të gjatë te PSG, duke shtuar Serie A në listën e ligave kryesore të njohura gjatë karrierës së tij. Aventura e tij me Juventusin përfundon me 40 ndeshje të luajtura. Faleminderit për gjithçka Fideo dhe fat në të ardhmen”, thuhet në njoftimin për shtyp.

Angel Di Maria prej vitit 2007 është lojtar që ka luajtur rregullisht në ligat më të forta evropiane të futbollit, ndërsa ka veshur fanella me emër si Real Madrid, Manchester United apo PSG. Kujtojmë se që prej vitit 2008 është pjesë e albicelestëve, ku në 2022 u kurorëzuan kampionë të botës. Sipas asaj që raportojnë mediat italiane, edhe pse 35-vjecar Di Maria synon rikthimin në kampionatin portugez, e konkretisht aty ku nisi gjithcka tek Benfika. Ky kalim mund të jetë i mundur, duke parë se lojtari ëshë i lirë, ndërsa e njeh mjaft mirë ambientin atje.

LEXO GJITHASHTU:

• Avokaja shqiptare tenton rekordin historik, niset me not nga Italia për në Shqipëri
• Luiza Gega hyn në histori, shpallet kampione evropiane në garën për 3 mijë metra