Erdogan: Lufta në Gaza turpi i përbashkët i njerëzimit, t’i bëhet presion Izraelit

Presidenti i Turqisë Rexhep Taip Erdogan e cilësoi luftën e Izraelit në Gaza si turpin e përbashkët të gjithë njerëzimit.

Në konferencën e përbashkët për shtyp me kryeministrin Edi Rama, Erdogan theksoi se komuniteti ndërkombëtar duhet të bëjë presionin e nevojshëm ndaj Izraelit ,ndërsa shprehu besimin se edhe Shqipëria do bëjë pjesën e vet në këtë drejtim.

“Gjenocidi që po bëhet në Gazë është turpi i përbashkët i të gjithë njerëzit. Ne si ndërkombëtarë duhet të bëjmë çmos të sigurojmë armëpushim të përhershëm dhe të bëjmë presionin e nevojshëm mbi Izraelin. Shpresoj që Shqipëri të bëjë pjesën e saj në këtë drejtim”, tha presidenti turk.

Ai tha se xhamia e Namazgjasë, më e madhja në Ballkan do të jetë dhuratë popullit turk për motrat dhe vëllezërit shqiptarë

“Do të hapim xhaminë, që është dhuratë e jona për motrat dhe vëllezërit tanë shqiptarë dhe falenderojmë ata që kontribuuan në këtë proces. Ajo është xhamia më e madhe në Ballkan dhe do të jetë vendi ku do të lulëzojë ndenja e paqes dhe solidaritetit”, u shpreh Erdogan.

LEXONI GJITHASHTU:

• Erdogan në Tiranë: Morëm vendime për luftë të përbashkët kundër FETO
• Pas takimit me presidentin Begaj, Erdogan mbërrin në Kryeministri