Erion Braçe përplaset me Kuvendin, reagimi i fundit i deputetit

Deputeti i Partisë Socialiste, Erion Braçe thotë ka lëshuar kritika ndaj Kuvendit, që sipas tij nuk po e lejon të bëjë punën për të cilën njerëzit i kanë dhënë votën.

Përmes një videoje të publikuar në rrjetet sociale, Braçe shprehet se refuzon ta shohë detyrën e deputetin si ‘honor vaniteti’, siç sipas tij e shohin shumica e deputetëve Kuvendin, por vendi ku i duhet të përmbushë detyrimet ndaj bujqve që e besuan.

“Nuk di se si duhet ta bëj punën time si deputet në shërbim të njerëzve që më kanë votuar dhe që u jam betuar se do t’u shërbej. Nuk e di çfarë duhet të bëj përtej kësaj. Kur i hyra kësaj pune, padyshim që nuk e mendoja deputetin si honor vaniteti siç gëlon ky zanat në Kuvend. S’kam nevojë për këtë. Kam nevojë të bëj punën time dhe të përbush detyrimet ndaj bujqve dhe blegtorëve që më besuan dhe më risollën në Kuvendin e Shqipërisë”, shprehet Braçe.

LEXONI GJITHASHTU:

• Përplasjet me Erion Braçen? Flet për herë të parë ministrja Frida Krifca
• ‘Në Divjakë nuk ka përleshje për lekë’, Braçe: S’jam unë deputeti me resort në park